Mir Cəlal Paşayev adına Milli Virtual Kitabxana

Şəms Təbrizi

Qısa Təsvir:

Şəmsəddin Təbrizi. "Məqalat və ya Xirqeyi - Şəms". Şəmsəddin Təbrizinin “Məqalat’’ əsəri təsəvvüf irsində qiymətli xə zinələrdən sayılır. Əsər Şəmsin xütbələri və söhbətlərindən toplanıb. İrfan aləmində Cəlaləddin Ruminin müəllimi kimi mühüm yer tutan Şəmsəddin Təbrizinin bu əsəri təsəvvüf barədə geniş məlumatlar verir və Qurani-Kərimin bəzi ayələrini təfsir edir. Əsər Şərqin bir çox övliyaları və mütəfəkkirləri barədə də məlumatlarla zəngindir.

Nəsrəddin Tusi

Qısa Təsvir:

Məhəmməd ibn Həsən Nəsrəddin Tusi. "Təzkirə" ("Ağazü əncam" - "Məbdə' və məad" - "Başlanğıc və son"). Filosofun fars və ərəb dillərindən çevrilən bu əsərində dini-fəlsəfi və İslam fəlsəfi haqqında intellektual düşüncələri yer alıb... İlk dəfə tərcümə olunur...

Nəsrəddin Tusi

Qısa Təsvir:

"Adabül-mütəəllimin" (Tələbəlik mədəniyyəti). Klassik Azərbaycan sufi intellektualından - Xacə Nəsrəddin Tusidən dəyərli bir əsər. AMEA M.Füzuli adına Əlyazmalar İnstitutunun rəsmi nəşri.

Nəsrəddin Tusi

Qısa Təsvir:

Nəsrəddin Tusi - "Övsafül-Əşraf" (Şərafətli insanların xüsusiyyətləri). Uzun illər boyu "Övsafül-Əşraf" kitabı görkəmli alimlər tərəfindən tədqiq edilmiş və yeri gəldikcə bir çox dünya dillərinə tərcümə olunmuşdur. Günümüzə qədər gəlib çatmış əlyazma nümunələri, həmin nüsxələrdə olan fərqlər qeyd olunan işləri dərinləşdirmiş və bu tədqiqatların nəticəsi olaraq, kitabın əsas hissələri demək olar ki, dəqiqləşmişdir. Üzərində tədqiqat işləri aparılan və əksər alimlərin diqqətini cəlb edən nümunələrdən biri də görkəmli alim Seyyid Mehdi Şəmsəddinin 1990-cı ildə nəşr etdiyi nüsxədir. Bu tərcümə də məhz həmin nüsxə əsasında hazırlanmışdır.

Şəms Təbrizi

Qısa Təsvir:

Böyük Azərbaycanlı sufisi Şəms Təbrizinin bizə gəlib çatan yeganə kitabı. Bu kitabda müəllifin sufilik, eləcə də İslam dini haqqında fikirləri toplanmışdır. Kitabdakı məqalələr Şəms Təbrizinin tələbələri tərəfindən toplanılmış və kitab halına salınmışdır. Kitab osmanlı türkcəsindədir.

Yaqub Babayev

Qısa Təsvir:

Kitabda orta əsrlər islam şərqində gеniş yayılmış sufizm və hürufizm təriqətlərinin təşəkkülü, tarixi, mahiyyəti və bədii ədəbiyyata, xüsusilə də Azərbaycan ədəbiyyatına təsiri məsələləri
yığcam və mümkün qədər sadə еlmi dildə ifadə olunur. Bu yönümdə F.Nəimi, İ.Nəsimi, M.Şəbüstəri və s. kimi XIII-XIV əsr Azərbaycan sənətkarlarının yaradıcılığına xüsusi diqqət yеtirilir. Kitabdan müəllimlər, aspirantlar, magistrlər, tələbələr və təriqətlə maraqlanan başqa oxucular istifadə еdə bilərlər.

Rafael Hüseynov

Qısa Təsvir:

Rafael HÜSEYNOV. "MƏĞRİBDƏN MƏŞRİQƏ İBN ƏRƏBİ..." (Mühyəddin Əbu Abdulla Məhəmməd İbn Əli İbn Ərəbi ət-Tai Xatimi əl-Əndəlüsi)

Fəzlullah Nəimi (Esterabadi)

Qısa Təsvir:

Nəimi Şah Fəzlullah ibn əbu Məhəmməd Təbrizi (Fəzl) - Nəiminin əsərləri Azərbaycan türkcəsinə hələ ki çevrilməyib. Bu kitabı türk saytlarının birindən əldə etdik. Tam versiya olduğunu demək çətindir. Hər halda fakt kimi maraqlıdır.