Mir Cəlal Paşayev adına Milli Virtual Kitabxana

VAQİF BAYATLI ODƏRİN YENİ KİTABININ TƏQDİMATI OLUB

2008-06-30, 20:33:00

Bu gün Beynəlxalq Mətbuat Mərkəzində şair Vaqif Bayatlı Odərin «Yupyumru bir eşq ilə» kitabının təqdimat mərasimi keçirilib.

«ÇİNAR-ÇAP» mətbəəsində 800 nüsxədə çapdan çıxan 335 səhifəlik kitabda şairin şeirləri və esseləri toplanıb.

Təqdimat mərasimində çıxış edən V.B.Odər yeni şerlər kitabını yeni üsul adlandırıb. O deyib ki, indiyə qədər şərq «sev» fəlsəfəsini təlqin edib, indi «sevdir» fəlsəfəsini təlqin etmək istəyir. Şairin fikrincə, bəşəriyyət nə qədər özünü sevdirə bilsə, o qədər geniş vətənin sahibi olacaq, nifrət başlayanda isə bu vətən kiçiləcək.

İlahiyyatçı alim Nəriman Qasımoğlu V.B.Odərin kitabını «fəlsəfənin şeirləşməsi» adlandıraraq qeyd edib ki, bu şeirləri həm də Allaha edilən dualardır.

«Turan»ın məlumatına görə, tədbirdə çıxış edən digər natiqlər də kitabdakı səciyyəvi məqamlardan danışıblar.