İstedadlı müəllifin bu yeni kitabı Lənkəranın mətbuatının yaranma tarixi və inkişaf mərhələləri, media nümayəndələri, çap edilmiş qəzetlər haqqında müfəssəl məlumatlarla zəngindir. Kitabda "Leninçi", "Lənkəranın səsi", "Aşkarlıq", "Söz", "Məşəl" kimi qəzet və dərgilər haqqında maraqlı faktlar verilir.
AYB-nin üzvü, Prezident təqaüdçüsü, filologiya elmləri doktoru, professor Mahirə Hüseynova - Mahirə Nağıqızının növbəti poetik kitabı. Bu, şairin əsasən son üç ildə, müxtəlif mövzuları əhatə edən şeirlər toplusudur. İstedadlı şairənin bu kitabında da lirik-fəlsəfi duyğuların poetik təzahürü olan şeirlərində əbədiyaşar ideallarla baş-başa qalacağınıza şübhə etmirik. Ona da inanacaqsınız ki, insan duyğuları və məntiqinin tandemindən yaranan həmin ideallar bəşəriyyətin ömrü qədərdir.
Bu nəşr İradə Əlili ilə Sevinc Rzanın qələmə adığı, II Qarabağ - Vətən müharibəsində qazanılan Zəfərin ən böyük hadisələrindən olan Laçın və başqa rayonları güllə atmadan geri qaytaran Müzəffər Ali Baş Komandan, Azərbaycan Respublikasının Prezidenti İlham Əliyevin tarixi missiyası, eləcə də bölgə haqqında 4 dilidə sənədli-puplisistik toplunun elektron variantıdır. E-kitab "Kulturoloji innovasiya: Qarabağ Zəfəri haqqında interaktiv e-kitabların hazırlanması" - Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyələşdirdiyi, Yeni Yazarlar və Sənətçilər İctimai Birliyinin reallaşdırdığı kulturoloji-innovativ layihə çərçivəsində hazırlanaraq yayımlanır.
İradə Əlili və Sevinc Rzanın müştərək qələmə aldıqları sənədli-publisitik kitabında 4 dildə - azərbaycanca, türkcə, rusca, ingiliscə Qarabağ, Laçın həqiqətləri, Vətən müharibəsinin sirləri, qələbələrlə dolu Zəfərimiz sənət dili ilə dünyaya çatdırılır...
Leyla Məcidova. "Lənkəran qəzasının sosial-iqtisadi vəziyyəti". Elmi monoqrafiya. Cavan və istedadlı tarixçi-alim L.Məcidovanın dəyərli kitabında XIX əsrin sonları, XX əsrin əvvəllərində cənub bölgəmizin tarixinə intellektual baxışları sərgilənir.
Leyla Əliyeva. "Poeziya". Poetik toplu. Mahir Qabiloğlunun ruscadan tərcüməsində. Kitaba şairə Leyla İlham qızı Əliyevanın müxtəlif illərdə yazdığı 55 şeri daxil edilmişdir. Şeirləri ruscadan dilimizə çevirən və kitab halında çıxmasının təşəbbüskarı yazıçı-publisist Mahir Qabiloğludur.
Leyla Məcidova. "Lənkəran qəzasının iqtisadi-sosial vəziyyəti" (XIX əsrin sonları- XX əsrin əvvəlləri). Elmi-kulturoloji araşdırma. Kitabda XIX əsrin sonu XX əsrin əvvəllərində Lənkəran qəzasının sosial-iqtisadi vəziyyətini araşdırmaq, bu dövrdə əhalinin etnik-dini tərkibini müəyyən etmək, bölgədə inkişaf etməkdə olan sənaye və kənd təsərrüfatı sahələrinin inkişaf dinamikasını izləilir.
Levon Xeçoyan. "Bayquş" (hekayə). Çağdaş erməni yazıçısının müharibə haqda hekayəsi... Əsəri Seyfəddin Hüseynli ruscadan tərcümə edib... "Oxu zalı"nda başladığımız yeni layihədə sizi müasir dünya yazıçılarının əsərləri ilə tanış edəcəyik. Layihəyə öncə Azərbaycanla qonşu ölkələrin ədəbiyyatından başlayırıq.
Latın Amerikası ədəbiyyatından seçmələr: azəricə. Qabriel Qarsia Markes. "Məhəbbət əvəzinə ölüm labüdlüyü" (Hekayə). Xuan Rulfo. "Luvina" (Hekayə).Xorxe Luis Borxes: "Dil estetik amildir və minlərlə insanın əsəridir" (Müsahibə).
