"Nəhcül-Bəlağə" — On iki imam şiələrinin ən məşhur kitablarından biri. Kitab Əli ibn Əbu Talibin əmr, xütbə, məktub, vəsiyyət və kəlamlarından ibarətdir. Əsəri tərtib edən Seyid Rəzidir. Əsərin adının mənası nəhc yol, bəlağə isə gözəl söz deməkdir. Tərcüməçilər: A.Mehdiyev, D.Cəfərli, E.Quliyev.
İmzası artıq oxuxulara yaxşı tanış olan gənc araşdırıcı Yeqzar Cəfərlinin bu monoqrafiyasında Azərbaycan ədəbiyyatının 80-ci illər nəslinə mənsub olan tanınmış nasir və tərcüməçi Nəriman Əbdülrəhmanlının bədii yaradıcılığı hekayə, povest və romanları araşdırılıb. Müəllif yazıçının əsərlərinin mövzu, üslub, dil, obrazlar sistemi və başqa xüsusiyyətlərini araşdırır, onun portretinin maraqlı cizgilərini aşkara çıxarır.
Bu növbəti e-nəşr istedadlı müəllifin Azərbaycan - Qarabağ torpaqlarının azadlığı uğrunda vuruşan igid şəhidlərimizə həsr olunmuş yazılardan ibarət kitabın elektron variantıdır. E-kitab "Kulturoloji innovasiya: Qarabağ Zəfəri haqqında interaktiv e-kitabların hazırlanması" - Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyələşdirdiyi, Yeni Yazarlar və Sənətçilər İctimai Birliyinin reallaşdırdığı kulturoloji-innovativ layihə çərçivəsində, əlavə olaraq hazırlanaraq yayımlanır.
Azərbaycan Yazıçılar Birliyinin üzvü, istedadlı şairə-publisistin şeirlər və poemalardan ibarət növbəti kitabın təkrar nəşri. Bu lirik-epik əsərlərdə müəllif zəmanəyə poetik-lirik qiymət verir, çağdaş insanın duyğularını şeiriyyətə köçürməyə çalışır...
Əsər XX əsrin əvvəllərində və sovet hakimiyyəti qurulanda Azərbaycanın bölgələrindən birində, Qarabağın Abdal - Gülablı kəndində baş verən hadisələrdən bəhs edir. Səfəvi dövlətinin səraslanı Dədəbəyin nəslindən olan Binnət Fərzəliyevin ətrafında baş verən real tarixi hadisələrdən, erməni məkrindən və sovet repressiyalarından bəhs edən romandır.
Nurlana İşıq. "Şlyapalı dayanacaq". Hekayələr kitabı. Nurlana İşıq- Nurlana Ümudvar qızı Məmmədova 20 oktyabr 1985-ci ildə Bakı şəhərində anadan olub. Ali təhsillidir, ixtisasca filoloqdur. Hazırda Xırdalan şəhəri 2 saylı tam orta məktəbində Azərbaycan dili və ədəbiyyat müəllimi işləyir. Ədəbi mühitdə uşaq ədəbiyyatı yazıçısı kimi tanınır. 2018-ci ildə “Su” adlı ilk kitabı işıq üzü görmüşdür. “Şlyapalı dayanacaq” adlı hekayəsi Nur İşıq təxəllüsü ilə Türkiyədə və İraqda çap olunmuşdur. "Ulduz" və "Mücrü" dərgilərində nağılları və hekayələri çap olunub.
Natiq Əliyev. "Heydər Əliyev fenomeni və ordu quruculuğu". Elmi-publisitik kitab. Cavan hərbiçi-zabit və şair N.Əliyevin Ümummilli Liderimiz Heydər Əliyevin ordu quruculuğuna həsr olunmuş araşdırması.
Nemət Mətin. "Ədəbiyyat və kütlə". Publistik-bədii toplu. Gənc yazıçı-publist Nemət Mətin ədəbi mühitdə iki kitabı ilə tanınıb: "Ədəbiyyat və kütlə", "Sonuncu uçuş". İlk kitabı ictimai, siyasi, ədəbi problemlərə aid məqalələr və bir hekayədən ibarətdir.
Narıngül Nadir. "Günəş üzlü qadın". Povestlər və hekayələr toplusu. Kitabda çağdaş Azərbaycan ədəbiyyatının istedadlı nümayəndəsinin son illər qələmə aldığı maraqlı bədii nəsr nümunələri daxil edilib. "Günəş üzlü qadın" kitabına yazıçı Narıngül Nadirin povest və hekayələri daxil edilmişdir. Mürəkkəb qadın dünyasının sirlərinin açılması, fərdi-individual düşüncəsinin üzə çıxarılması və psixoloji məqamların dəqiqliklə, incə detallarla sərgilənməsi bu əsərlərin əsas xüsusiyyətini təşkil edir. Kitabın oxucular tərəfindən maraqla qarşılanacağına inanırıq.
Nizami Cəfərov. "Mir Cəlalın və milli ideyaları". Monoqrafiya. Akademik, Azərbaycanda Atatürk Mərkəzinin müdiri, millət vəkili Nizami Cəfərovun görkəmli yazıçı və dəyərli alim M.C.Paşayevin ideoloji-fəlsəfi, ədəbi-mənəvi yaradıcılıq düşüncələrinə həsr olunmuş kitabı.
Nurəddin Ədiloğlu. “Taxt və tabut”. Tarixi roman. Tarixi romanda İmadədin Nəsiminin yaşadığı orta əsrlər Bütöv Azərbaycanında ictimai-siyasi, sosial-mədəni, dini-tarixi gedişatlar işığında Şah İsmayıl Yavuz Sultan Səlim münasibətinə həsr edilmişdir.
Nicat Qafarlı. “Biznesdə innovasiya fəaliyyətinin təşkili prinsipləri”. Elmi araşdırma. İnnovasiya yönümlü inkişafın formalaşmasının nəzəri əsaslarına həsr olunmuş elmi vəsait.
