Azərbaycan Yazıçılar və Jurnalistlər Birliklərinin üzvü, istedadlı yazıçı-publisist Dərya Qılıcın (Nailə Bahadır qızı Qılıcova) yeni elektron kitabı - oxunaqlı bədii nəsr əsərlərindən ibarət toplu. Məhsuldar xanım yazar “Qəmli səadət”, “Cəhənnəmə gedən yol”, “Dağlardan gələn səda”, “Tale yolları”, “İtkin arzular”, “Bir qapılı iki məhəllə”, “Daşa dönmüş ürək”, "Cinayət və məhəbbət", "Kəhrəba bıçaq”, “Povest və hekayələr “, "Uşaq hekayələri” və b. kitablarının müəllifidir. Müəllifin dörd romanı audiokitab formatında işıq üzü görüb. “Qızıl Qələm” Media Mükafatı laureatı, Prezident təqaüdçüsü, Dünya Şair və Yazıçılar İttifaqının keçirdiyi müsabiqənin qalibidir.
Bu yeni e-nəşr Azərbaycan Respublikasının suverenliyinin tam bərpa olunması uğrunda gedən döyüşlərdə şəhid olmuş əfsanəvi Milli Qəhrəmanımız, general-mayor Polad Həşimovun həyat və döyüş yoluna həsr edilmiş poema - eyniadlı kitabın elektron variantıdır. E-kitab "Kulturoloji innovasiya: Qarabağ Zəfəri haqqında interaktiv e-kitabların hazırlanması" - Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyələşdirdiyi, Yeni Yazarlar və Sənətçilər İctimai Birliyinin reallaşdırdığı kulturoloji-innovativ layihə çərçivəsində, əlavə olaraq hazırlanaraq yayımlanır.
AYB Lənkəran bölməsinin sədri istedadlı yazıçı Qafar Cəfərli və istedadlı şairə Xatirə Xatunun həmmüəllifliyi iləişıq üzü görmüş bu kitab II Qarabağ müharibəsində tarix yazan, Vətən, torpaq uğrunda şəhid olan və doğulduqları torpaqda əbədiyyətə qovuşan 63 nəfər lənkəranlı qəhrəman haqqındadır.
Hərbi-vətənpərvərlik şeirlərindən ibarət kitab: Müzəffər Milli Ordumuz tərəfindən Qarabağda işğaldan azad etdiyi qədim yurd yerləri uğrundakı haqq savaşçıları haqqında poetik toplu
Əli Həsənov. "Geosiyasət". Professor Əli Həsənovun "Geosiyasət" kitabı ali məktəblərin uyğun ixtisaslar üzrə təhsil alan tələbələri üçün elmi dərslik kimi uzun müddətdir istifadə olunur. Azərbaycan geosiyasət elminə layiqli töhfə olan kitabda hər fəslin sonunda verilmiş təkrar və məşğələ sualları tələbələrə mövzuları daha dərindən mənimsəməyə kömək edəcək.
Peter Leniy. "Mədəniyyət mərkəzlərinin layihələndirilməsi". Araşdırma, azərbaycanca tərcümə. Kitabın müəllifi Peter Leniy (Peter Lényi) öz araşdırmalarına 2011-ci ildə Budapeştdə başlayıb və həmin andan etibarən 123 mədəni mərkəzin yaradılması haqqında məlumat toplayıb. Kitabdakı məqalələr yerli sakinlərin yararlana biləcəyi bu cür yerlərin təmiri və yenilənməsi ilə bağlı çətinliklərə, habelə onların üstünlüklərinə həsr olunub. Kitabda həm memarlar, həm də digər mütəxəssislər üçün faydalı olacaq müsahibələr, rəsmlər və diaqramlar yer alır.
Paşa Yaqub. "Məhəbbət ili". Elmi-publisitk kitab. “Məhəbbət ili”kitabında müəllif 2016-çı ilin astronomik hadisələrindən və onların yerə təsirindən bəhs edir. Kitabda həmçinin, kimya, fizika, anatomiya, biologiya, astronomiya, daktiloskopiyya, kibernetka və informatika elmlərinin bugünədək gizli qalan məqamları araşdırılır, onların məişətimizə, həyatımıza təsirindən söhbət açılır. Eləcə də, son dövrlər baş verən müəmmalı təyyarə, qatar və enerji qəzalarının Günəş və Ay tutlmaları ilə əlaqəsini sübut edən hesablamalar və cədvəllər təqdim olunur. Kitab geniş oxucu kütləsi üçün nəzərdə tutulub.
Prezidenti yanında Gənclər Fondu dünya ədəbiyyatını dəstəklədi. Yeni Yazarlar və Sənətçilər Qurumu sentyabrın sonundan başlayaraq Azərbaycan Respublikası Prezidenti yanında Gənclər Fondunun (AzGF) maliyyə dəytəyilə "Dünya ədəbiyyatını gənclərə tanıdaq. Kreativ-innovativ e-akademiya" adlı kulturoloji ədəbiyyat layihəsini həyata keçirməyə başlayıb. YYSQ sədri, yazıçı-kulturoloq Aydın Xanın (Əbilov) rəhbərlik etdiyi layihə iki ay ərzində İnternet vasitəsilə və sosial şəbəkələrüstü həyata keçiriləcəkdir.
Paulo Coelho. "Şeytan ve genç kadın" (türkçe) - Paulo Koelyo "Şeytan və gənc qadın" (türk dilində). Braziliyanın dünyaşöhrətli yazıçısının növbəti məşhur romanını təqdim edirik...
