Elman Quliyev. "Türk xalqları ədəbiyyatı".Dərslik tədris proqramına uyğun yazılmışdır. Kitabda türk xalqları ədəbiyyatının (Türkiyə türk, özbək, türkmən, qazax, qırğız, tatar, İraq-türkman) yaradıcılıq mərhələləri, ayrı-ayrı görkəmli sənətkarlarının həyat və yaradıcılıqları geniş şəkildə tədqiq və təhlil olunmuşdur.
“Dilimiz - milli sərvətimiz”. Dilçilik elmi-kütləvi yazılar toplusu. “Qayğı və Himayə” Xeyriyyə Fondunun “Gənclər arasında Azərbaycan ədəbi dilinin populyarlaşdırılması, zənginləşdirilməsi və inkişafının dəstəklənməsi” layihəsi əsasında hazırlanmış “DİLİMİZ-milli sərvətimiz” adlı kitab Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə nəşr edilmişdir.
Mirzə İskəndərov. "İxtisaslanmış axtarış və SEO mətn". Bu kitab vasitəsi ilə siz, gələcəkdə hətta ən çətin suallara görə narahat olmayacaqsınız və axtarış sistemlərinin necə də əvəz olunmaz olduğunu daim təsdiqləyəcək, vaxtın dəyərli olduğunu hər kəsə deyəcəksiniz.
Nailə Səmədova. "Azərbaycan memuar ədəbiyyat tarixi". Bu elmi araşdırma Azərbaycan memuar ədəbiyyatının yaranması, təşəkkülü və inkişaf mərhələləri haqqında dəyərli monoqrafiya sayılır. Kitab AMEA-nın 2006-cı ildəki fəaliyyəti haqqında hesabatda Əlyazmalar İnstitutunun mühüm nəticələrindən biri kimi qeyd edilmişdir.
Firidun bəy Köçərli. "Azərbaycan ədəbiyyatı”. İki cilddə. II cild. Azərbaycan ədəbiyyatının görkəmli nümayəndəsi, alim, tənqidçi və pedaqoq Firidun bəy Köçərlinin “Azərbaycan ədəbiyyatı” adlı fundamental əsərində ədəbiyyat tariximizin ən önəmli səhifələri, ədəbi proseslər elmi ardıcıllıqla nəzərdən keçirilmişdir. İndi də öz ədəbi və elmi dəyərini azaltmayan “Azərbaycan ədəbiyyatı” əsəri milli-bədii söz sənətimiz haqqında mötəbər məxəz sayılmış və sayıl maqdadır.
Firidun bəy Köçərli. "Azərbaycan ədəbiyyatı”. İki cilddə. 1-ci cild. Azərbaycan ədəbiyyatının görkəmli nümayəndəsi, alim, tənqidçi və pedaqoq Firidun bəy Köçərlinin “Azərbaycan ədəbiyyatı” adlı fundamental əsərində ədəbiyyat tariximizin ən önəmli səhifələri, ədəbi proseslər elmi ardıcıllıqla nəzərdən keçirilmişdir. İndi də öz ədəbi və elmi dəyərini itirməyən “Azərbaycan ədəbiyyatı” əsəri milli-bədii söz sənətimiz haqqında mötəbər məxəz sayılmaqdadır.
Nəsibə Əliyeva. "Hidrometeoroloji lüğət". Hidrometeoroloji lüğət kitabında hidrologiya, meteorologiya, okeanologiya və onlarla təmasda olan elmlərə aid 1500-ə qədər termin və anlayışların izahı verilir. Lüğət hidrologiya, meteorologiya, okeanologiya sahəsində və onlarla təmasda olan digər coğrafiya elmi sahələrində təhsil alan tələbələr, aspirantlar, elmi işçilər, həmçinin Hidrometeorologiya xidmətində çalışan mütəxəssislər üçün nəzərdə tutulmuşdur.
Naidə Hacıyeva. "Etika, peşə etikası və psixologiya" dərsliyi ilk peşə-ixtisas təhsili müəssisələrinin şagird və müəllimləri üçün nəzərdə tutulmuşdur. Dərslikdə estetika, etika, həmçinin peşə etikası, psixologiya elminin mahiyyəti, bu elmlərin yaranma tarixi və əsas anlayışları haqqında məlumat verilir. Kitabda antik dövrdən müasir dövrədək bir sıra mütəfəkkirlərin etika, estetika və psixologiya haqqında fikirlərin və şərhləri də öz əksini tapmışdır.
2004-2012-ci illər Müstəqil Dövlətlər Birliyi üzv dövlətlərin Milli kitabxanalarının nəşrləri və onların elektron resurslardakı mənbələri. Издания и электронные ресурсы национальных библиотек государств-участников Содружества независимых государств, 2004 - 2012 гг.
Vahidov F. Q. Ağayev T. B. "Sosiologiya". Ali məktəblər üçün dərs vəsaiti. Dərs vəsaitində sosiologiyanın nəzəri problemləri, həyatımızın yeni sosial hadisə və prosesləri, habelə müasir nəzəri tədqiqatların nəticələri öz əksini tapmışdır. Vəsait ali məktəblərin tələbələri, habelə sosiologiya elminin problemlərinə maraq göstərən şəxslər üçün nəzərdə tutulmuşdur.
Məmmədov K.M., Musayev Z.S., Mürsəlov A.Ə., Məmmədova V.V. "Neftyığılan, nəql edən mühəndis qurğuları və avadanlıqları". Dərslikdə neftyığılan və neftsaxlayan terminalların növləri, onların hidravliki və statiki hesablanması, neft boru kəmərlərinin layihələndirilməsi verilmişdir.
