Camal Zeynaloğlu. "Ömrün qızıl payızı..." Kitab tanınmış yazıçı-publisist, tərcüməçi, AYB və AJB-nin üzvü Camal Zeynaloğlunun 60 illik yubileyinə həsr olunur. Kitabda yazıçının xatirələri, dostları və tanışlarının ürək sözləri, müəllimlik fəaliyyəti, habelə, həmkarlarının, qələm sahiblərinin, tədqiqatçı alimlərin onun yaradıcılığı haqqında fikirləri işıqlandırılır. Kitab geniş oxucu auditoriyası üçün nəzərdə tutulmuşdur.
Cəvahir Qaraqızı. “Turana doğru” adlı ilk kitabı ilə oxucularının görüşünə gələrək, Vətən, türk dünyası, təbiət mənzərələri, sevgi, milli-mənəvi dəyərlərə aid şeirləri, eləcə də lirik poeması ilə onların marağını cəlb edir...
Çağdaş Azərbaycan realist, modern, postmodern, şəbəkə essesi, publisitikası, elmi-filoloji düşüncəsi. I – II – II cilddə. E-antologiyada son illər müxtəlif nəsil Azərbaycan araşdırmaçıları tərəfindən qələmə alınan dünya humanitar-kulturoloji düşüncəsinin ən çox mübahisəli probleminə - modernizm və postmodernizm məsələlərinə həsr edilib.
Çağdaş Azərbaycan realist, lirik, modern, postmodern, şəbəkə dramaturgiyası: Pyeslər və kinossenarilər. E-antologiya. Son illər müxtəlif nəsil yazarlar tərəfindən qələmə alınan və səhnələşdirilən dram əsərləri, kinossenarilər toplanıb.
Çağdaş Azərbaycan realist, lirik, modern, postmodern, şəbəkə bədii nəsri: Romanlar və povestlər. E-antologiya. Milli ədəbiyyatımızın tanınmış nümayəndələrinin əsərlərindən ibarət elektron toplu.
Coşğun Qarabulud. "Hardan haraya". Coşkun Karabulut. "Nerden nereye". Poetik toplu. Türkiyədə yaşayıb-yaradan, əslən Şəkidən olan şair-publisist Coşğun Qarabuludun “Hardan haraya” şeirlər kitabı onun Azərbaycan oxucuları ilə ilk görüşüdür. Fəlsəfi düşüncələrə, sətiraltı incə yumora köklənən şeirlərin oxucuların marağına səbəb olacağına inanırıq.
Ceyhun Məmmədov. "Ağlayan buludlar". Gənc yazardan ilk ədəbi axtarışların məhsulu. Çoxsaylı qramatik və leksis, eləcə də dil xətalarına baxmayaraq, öz redaktəsində dərc edilən bu kitabda azad fikr havası var. Kitab iki şəhərə ayrılır. Hekayələr və şeirlər şəhəri. Hər iki şəhərə daxil olarkən, özünüzlə çətir götürməyin. Çünki üzərinizə yağacaq kəlimələri hiss etməyə çalışın. Şüurunuzun ən dərin qatlarına enəcək, cümlələr. Qorxmayın, bu sizin xeyirinizədir. Daha dərin düşünmək və özünüzü dərk etmək diləyi ilə.
Camal Zeynaloğlu. " Snayper qız". Müharibə mövzusunda gözəl əsərlər müəllifi C.Zeynaloğlunun bu yeni kitabı Qarabağ savaşında vətəni, torpağı, dövləti uğrunda döyüşən Azərbaycanın cəsur, mərd, qəhrəman oğullarına həsr edilmiş povest, hekayə və esselərdən ibarətdir.
Camal Zeynaloğlu: "Cəsur kəşfiyyatçı, igid partizan". Sənədli-bədii əsər. Kitab Böyük Vətən müharibəsi illərində Ukrayna torpağında gizli partizan hərəkatında fəal iştirak edən, misli görünməmiş qəhrəmanlıqlar göstərmiş, alman faşistlərinə qan uddurmuş istedadlı aktyor, cəsur kəşfiyyatçı, igid partizan Xanlar Salman oğlu Babanlının həyat və keçdiyi döyüş yollarından bəhs edir.
Camal Zeynaloğlu. "Xəyalındakı ağ yaylıqlar" (Ədəbi-publisitik kitab). Bu kitab C.Zeynaloğlunun "Yaxşı insanlar sorağında" ədəbi silsiləsindən üçüncü, oxucularıyla isə on yeddinci görüşüdür. Kitab tanınmış jurnalist, istedadlı yazıçı-publisist, şair və ziyalı, Prezident təqaüdçüsü Böyükxan Bağırlının həyat fəaliyyəti və ədəbi yaradıcılığına həsr olunur. Kitabda B.Bağırlının indiyə kimi heç yerdə dərc olunmayan "Sübh yuxusu" adlı yeni bir hekayəsi də verilmişdir.
Camal Zeynaloğlu. "Qəfil döyülən qapı". (Povest və hekayələr). Çağdaş Azərbaycan bədii nəsri" ədəbi-kulturoloji layihəsi. Elektron Kitab N 29 (36 - 2015)
Camal Zeynaloğlu. "Qarabağ dərdi - erməni vandalizmi". (Tarixi həqiqətlər, faktlar...) Sənədli-bədii kitab. Bu kitab Camal Zeynaloğlunun oxucuları ilə on ikinci görüşüdür. Kitabda müəllifin Qarabağ savaşına həsr olunmuş sənədli povesti, hekayələri, məqalələri, ayrı-ayrı tanınmış yazarların Qarabağ haqqındakı yazıları, Dağlıq Qarabağın tarixi, Xocalı soyqırımına dair tarixi həqiqətlər, faktlar, Xocalı şahidlərinin ifadələri və qandondurucu şəkillər verilib. Burada eyni zamanda Birinci Dünya müharibəsi dövründə erməniləri hər vasitə ilə himayə və müdafiə edən rusların onları türklərə qarşı necə silahlandırmasından, törətdikləri kütləvi qırğından, terrordan, erməni vandalizmindən söhbət açılır və dünyadakı erməni terror təşkilatlarının adları açıqlanır...
