Adilə Nəzərova. Fəlsəfə terminlərinin izahlı lüğəti. Lüğətdə Azərbaycan dilində işlənən fəlsəfi termin və termin-söz birləşmələrinin geniş şəkildə izahı verilmişdir. Lüğət tələbələrin, müəllimlərin, tədqiqatçıların tərcüməçilərin və fəlsəfə ilə maraqlanan oxucu kütləsinin istifadəsi üçün nəzərdə tutulmuşdur.
"Türk xalqları ədəbiyyatı". Dörd cilddə. IV cild. Nəşrə hazırlayanı: Nizami Cəfərov. Dördüncü cilddə (ən yeni dövr) isə XX əsrdən bu günümüzədək türk dünyasının böyük sənətkarlarından Cambul Cabayev, Səməd Vurğun, Nazim Hikmət, Mustay Kərim, Musa Cəlil, Qafur Qulam, Məhəmmədhüseyn Şəhriyar və digərləri haqqında məlumatlar, əsərlərindən nümunələr toplanmışdır.
"Türk xalqları ədəbiyyatı". Dörd cilddə. III cild. Nəşrə hazırlayanı: Nizami Cəfərov. Üçüncü cilddə (yeni dövr) XVI-XVII əsrlərdən başlamış türk xalqlarının dastanları, o cümlədən "Koroğlu" dastanı, Molla Pənah Vaqifin yaradıcılığından nümunələr, türkmən ədəbiyyatının böyük nümayəndəsi Məhtumqulu Fəraqi yaradıcılığından seçmələr, Mirzə Fətəli Axundovun "Hekayəti-Müsyö Jordan həkimi-nəbatat və dərviş Məstəli şah caduküni-məşhur" dramı, qazax ədəbiyyatı tarixində realist düşüncənin əsasını qoyan Abay Kunanbayevin şeirləri, Tofiq Fikrətin şeirlərindən seçmələr, Mirzə Ələkbər Sabirin "Hophopnamə"si, "Molla Nəsrəddin" jurnalının yaradıcısı Cəlil Məmmədquluzadənin "Poçt qutusu", "Usta Zeynal" hekayələri, "Ölülər" komediyası və s. verilmişdir.
"Türk xalqları ədəbiyyatı". Dörd cilddə. II cild. Nəşrə hazırlayanı: Nizami Cəfərov. İkinci cilddə (orta dövr) türk xalqlarının XIII əsrdən XVII əsrin əvvəllərinə qədər olan dövrü əhatə edən adət-ənənələri qələmə alınmışdır. Kitabda türk ədəbiyyatı tarixinin orta dövründə formalaşan və ən yeni dövrün əvvəllərinə qədər ideyalarla, süjetlərlə zənginləşmiş akın-ırçılar (manasçılar) tərəfindən yüksək sənətkarlıqla ifa olunmuş "Manas" eposu təqdim olunmuşdur. Bu cilddə Yunus İmrə, İmadəddin Nəsimi, Əlişir Nəvai, Məhəmməd Füzuli və Mahmud Baqinin əsərləri barədə də məlumatlar yer almışdır.
"Türk xalqları ədəbiyyatı". Dörd cilddə. I cild. Nəşrə hazırlayanı: Nizami Cəfərov. Birinci cilddə (qədim dövr) qədim türk eposu, şeiri və nəsrindən nümunələr, "Kitabi-Dədə Qorqud", Əhməd Yəsəvinin "Divani-hikmət" nəsihətamiz əsəri, Nizami Gəncəvinin "İsgəndərnamə" poeması və sairə verilmişdir.
"İncəsənət. Bəşəriyyətin misilsiz sərvəti". Uşaqlar üçün incəsənət ensiklopediyası. E-təhsilin təbliği: rəqəmsal dərsliklərin hazırlanması” layihəsi çərçivəsində hazırlanıb. Elektron kitab N 03-61 (33- 2015)
Elnarə Akimova. "Yeni təfəkkür və ədəbi tənqid". "Müstəqillik illərində Azərbaycanda ədəbi tənqid" adlı birinci kitabı 2009-cu ildə çap olunub. Kitabda müasir Azərbaycan ədəbiyyatşünaslığının, tənqidinin və nəzəri-estetik fikrinin problemləri çağdaş təfəkkür işığında təhlil olunur.
“Elektron təhsilin təbliği: rəqəmsal dərsliklərin hazırlanması”. Yeni Yazarlar və Sənətçilər Qurumunun layihəsinin ictimai təqdimatı. Sosial şəbəkələrdə ektron təhsilin təbliği...
Ramiz Rzayev, Rafiq Novruzov, Könül Əliyeva. "Azərbaycanca-rusca izahlı hüquq lüğəti" (İki cilddə). Рамиз Рзаев, Рафиг Новрузов, Кёнуль Алиева. "Русско-азербайджанский толковый юридический словарь" (в двух томах). "Azərbaycanca-rusca izahlı hüquq lüğəti" (ikicildlik) kitabı müasir qanunvericiliyin, həmçinin beynəlxalq hüququn bütün sahələrini özündə əhatə edən 33 mindən artıq söz və söz birləşməsindən ibarətdir. Lüğət həmçinin tibbə, iqtisadiyyata, maliyyəyə, müqavilə təcrübəsinə, birja, sığorta, xarici ticarət və hərbi fəaliyyətə aid termin və anlayışları özündə birləşdirir.
Həcər Hüseynova. “Mir Cəlalın aforizmləri”. Filologiya üzrə elmlər doktoru H.Hüseynovanın Azərbaycan, rus və ingilis dillərində nəşr etdirdiyi “Mir Cəlalın aforizmləri” adlı kitabında tanınmış xalq yazıçımız və alimimizin dəyərli fikirləri toplanmış, haqqında araşdırma yazılar verilmişdir.
"Struktur dilçiliyin əsasları". Morfemika sintaqramatika . Kitabda morfemika və sintaqmatika bir neçə dilin materialı əsasında tədqiq olunur, ayrı-ayrı dilçilik məktəblərinin əsas nəzəriyyələri açılıb göstərilir, morfem və sintaktik konstruksiyalar sahəsində son elmi araşdırmalar çoxsaylı nümunələr əsasında izah olunur. Dünya dilçiliyinə töhfə vermiş V. fon Humboldt və N.Xomskiyə ayrıca fəsillər həsr edilmişdir.
Azad Nəbiyev. "Azərbaycan xalq ədəbiyyatı". Orta əsr və yeni dövr folklor yaradıcılığı.İki cilddə. I kitab. (Ali məktəb tələbələri üçün dərslik). Ədəbiyyatşünas alim, f.e.d., professor Azad Nəbiyevin bu elmi-filoloji kitabında Azərbaycan xalq ədəbiyyatının müxtəlif məsələləri araşdırılır. Kitab vaxtilə ali məktəb tələbələri üçün dərslik kimi yazılsa da, bu sahədə ana dilimizdə işıq üzü görən sanballı elmi əsərlərdən biri hesab olunur.
