Mir Cəlal Paşayev adına Milli Virtual Kitabxana

Ayətxan Ziyad.  "Zaur Ustacın uşaq dünyası". Azərbaycan Yazıçılar və Jurnalistlər Birliklərinin üzvü, yazıçı-jurnalist,tədqiqatçı Ayətxan Ziyad "Gülüzənin şeirləri"  kitabını tədqiqat müstəvisinə çıxardaraq Zaur Ustacın uşaq dünyasına səyahət edir. Müəllif Zahid Xəlil və Zaur Ustac yaradıcılığında paralellər apararaq, vəsait istifadəçilərinə tövsiyələr verir.

Zaur Ustac "Gülüzənin şeirləri". Azərbaycan Respublikası Təhsil Nazirliyi tərəfindən tərtib olunmuş "Məktəbə hazırlaşırıq" adlı metodik vəsaitə (I və II hissələr üzrə - Bakı - 2019) daxil olunmuş şeirlərdən ibarət Zaur Ustacın "Gülüzənin şeirləri" ("Gülünün şeirləri", "Güllünün şeirləri") kitabı yazıçı-jurnalist, tədqiqatçı  Ayətxan Ziyadın redaktəsi və tərtibatında yeni təkmilləşdirilmiş təkrar nəşrinin (Bakı - 2021, son nəşr) elektron variantı. 

Stiven Reblinin "Mavi Ay Vadisi" (Stephen Rabley "Blue Moon Valley"). Hekayə. Əsər "İngiliscə uşaq hekayələri" layihəsi çərçivəsində Zaur Ustac tərəfindən tərcümə olunub.

Zaur Ustac "Mum kimi yumuşalanda". Şeirlər kitabı. Elektron kitab şair-publisit Zaur  Ustac 30  illik yaradıcılığının ilkin dövründə qələmə aldığı şeirləri özündə toplayır. Bu e-nəşr Zaur Ustac yaradıcılığının 30 illik yubley tədbirləri çərçivəsində e-nəşr olunur. Bu kitab müəllifin ənənəvi qydada 2011- ci ildə nəşr olunmuş eyni adlı kitabının elektron variantıdır. Kitabda şairin 1993 - 1995- ci illərdə (əsgərlik dövründə) qələmə aldığı şeirlər yer almışdır.

Aida Hacıxanım  "Ömrün anları". Ədəbi-kütləvi e-nəşr. Bu elektron kitab şair-publisit Zaur Ustac bədii yaradıcılığının 30 illik yubiley çərçivəsində nəşr olunur. Elektron Kitab Zaur Ustac yaradıcılığının 30 illik yubiley tədbirləri çərçivəsində nəşr olunur. Bu kitabda şairin icazəsi ilə tərtibçilər tərəfindən ümumi istifadədə olan, əsasən müxtəlif internet mənbələrindən toplanaraq seçilmiş fotolarından istifadə olunmuşdur. Bundan əlavə iki qrafikada, dörd dildə yazar haqqında qısa məlumat verilmişdir.

Zaur Ustac. "Otuz ildir, əldə qələm". Poetik toplu. Bu kitab, Zaur Ustac yaradıcılığının "30" illik yubley tədbirləri çərçivəsində nəşr olunur. Kitabda ön söz və son söz əvəzinə işlənmiş şeirlərdən əlavə müəllifin müxtəlif illərdə yazdığı 43 şeir toplanmışdır. Şeirlər elə seçilib ki, onları oxumaqla şairin dünyaya baxışı, həyat fəlsəfəsi, ədəbi görüşləri və bədii yaradıcılığı haqqında istiqamətverici fikrə sahib olmaq olar.